முன்னாள் பிரதமர் ஐ.கே. குஜ்ரால் (92) இன்று காலமானார். டெல்லி அருகேயுள்ள குர்கானில் உள்ள தனியார் மருத்துவமனையில் அவர் சிகிச்சை பெற்று வந்தார். இந்நிலையில், இன்று பிற்பகல் 3.27 மணியளவில் அவரது உயிர் பிரிந்தது. அவர், நுரையீரல் தொற்று காரணமாக சிகிச்சை பெற்று வந்தார்.
இந்தியாவின் 12-வது பிரதமராக கடந்த 1997 ஏப்ரல் முதல் 1998 மார்ச் மாதம் வரை, அவர் பதவி வகித்துள்ளார். மேலும் அவர் வி.பி.சிங், தேவகவுடா அமைச்சரவையில் வெளியுறவுத் துறை அமைச்சராகவும் இருந்துள்ளார். அவரின் மறைவை அடுத்து நாடாளுமன்றம் ஒத்திவைக்கப்பட்டது
