முன்னாள் தொலைதொடர்பு துறை அமைச்சர் ஆ. ராசா தனது பதவி காலத்தில் 2ஜி அலைக்கற்றை உரிமம் வழங்கியதில் முறைகேடு செய்ததாக கூறப்பட்ட வழக்கில் சுப்ரீம் கோர்ட் 122 உரிமங்களை ரத்து செய்து உத்தரவிட்டது. மேலும், வருகிற ஆகஸ்ட் மாதம் 31ந் தேதிக்குள் 2ஜி அலைக்கற்றைக்கான உரிமங்களை மறு ஏலம் முறையில் விற்பனை செய்ய வேண்டும் என காலக்கெடு விதித்தது.
இந்நிலையில், இதற்கான தொடக்க பணிகளுக்கு மந்திரிகள் அடங்கிய குழு ஒப்புதல் வழங்கியுள்ளதாக தொலைதொடர்பு செயலாளர் ஆர். சந்திரசேகர் தெரிவித்தார்.
